WALIMU WA HISABATI SHULE ZA MSINGI BUSEGA WAPATIWA MAFUNZO YA UBORESHAJI WA UFUNDISHAJI NA UJIFUNZAJI SOMO LA HISABATI, ❇️WAISHUKURU SERIKALI,MRADI WA SHULE BORA KWA JITIHADA KUINUA UFAULU WA SOMO HILO.

Posted on: September 5th, 2023

Busega,

Walimu wa Somo la Hisabati wa  Shule za Msingi  Wilayani Busega Mkoani Simiyu  wamepatiwa mafunzo ya umahiri kuhusu uboreshaji wa ufundishaji na ujifunzaji wa somo la Hisabati.

Mafunzo hayo yanayoendelea  katika ukumbi wa Shule ya Msingi Lukungu katika  Kata ya Lamadi Wilayani humo ni muendelezo wa Mafunzo ya  yaliyofunguliwa Tarehe  4 Septemba 2023 na Kaimu Katibu Tawala Mkoa wa Simiyu Bw.Majuto Njanga

Mafunzo hayo yanayofadhiliwa na Mradi wa Shule Bora  yana lengo la  kuwajengea uwezo wa umahiri katika kuandaa mbinu rafiki za kuwasilisha maarifa ya somo hilo kwa wanafunzi, hatua itakayosaidia wanafunzi kupenda kujifunza somo hilo.

Kwa upande wao walimu  wa somo la Hisabati waliopatiwa mafunzo hayo wameishukuru Serikali pamoja na  Mradi wa Shule Bora Mkoani Simiyu  kwa  kuwapa maarifa na mbinu ambazo ni rafiki katika uhamasishaji, ufundishaji na ujifunzaji wa somo la hisabati.

Mafunzo hayo ya  uboreshaji wa ufundishaji na ujifunzaji wa somo la Hisabati kwa. Shule  za Msingi Wilayani Busega  yatamalizika  Tarehe 8 Septemba 2023

GCO,

Simiyu RS

05/09/2013