Afya na Ustawi wa Jamii

LENGO

Seksheni hii inajumuisha na hospitali ya Rufaa ya Mkoa wa Simiyu, lengo la seksheni hii ni kusaidia au kuwezesha utoaji wa huduma bora za Afya za kinga, matibabu na maendeleo ya huduma za Afya na Ustawi wa Jamii katika Mkoa. Seksheni hii inaongozwa na Katibu Tawala Msaidizi ambaye pia ni Mganga Mkuu wa Mkoa, ambaye anawajibika kwa Katibu Tawala wa Mkoa.

Idara ndogo ndogo ndani ya Afya

• Elimu ya Afya
• Huduma za Tiba (Magonjwa ya ndani, Watoto, wajawazito, Upasuaji na Mifupa, Huduma za mionzi, Maabara na Mortuary)
• Huduma za Kinga (Huduma za Afya ya mama na mtoto na Huduma za kuzuia magonjwa ya kuambukiza)
• Utengemao (Rehabilitation)
• Ustawi wa Jamii
• Afya ya Mazingira

Majukumu ya Seksheni ya Afya na Ustawi wa Jamii

Majukumu ya Idara/Seksheni

Majukumu ya seksheni/sehemu ya Afya na Ustawi wa Jamii:

• Kuratibu na kushauri juu ya utekelezaji wa wa sera za Afya katika Mkoa
• Kuratibu masuala ya Afya na Ustawi wa Jamii katika Mkoa
• Kusimamia utoaji sahihi wa huduma za Afya zinazotolewa na hospitali/vituo vya Umma na sekta binafsi katika Mkoa
• Kuzijengea uwezo Mamlaka za Serikali za Mitaa katika utoaji wa huduma za Afya
• Kutoa ushauri wa kitaalamu katika uandaaji wa mipango ya upambanaji/uzuiaji wa tatizo la Virusi/UKIMWI (HIV/AIDS)
• kutoa ushauri wa kitaalamu juu ya uendeshaji wa shughuli zinazohusiana na masuala ya Virusi/UKIMWI (HIV/AIDS) katika Mkoa
• Kutoa huduma za Afya/msaada unaohitajika wakati wa milipuko ya magonjwa katika Mkoa
• Kutoa huduma za kliniki na matibabu kwa wagonjwa wa ndani na nje wanaoletwa kutoka vituo vya Afya/hospitali za mamlaka za serikali za mitaa
• Kutoa huduma za kitaalamu (utaalamu wa kubobea) za matibabu
• Kutoa/Kusaidia huduma za kitaalamu na msaada unaohitajika kwa vituo vya Afya na Hospitali za Mamlaka za Serikali za Mitaa wakati wa milipuko ya magonjwa yakuambukiza
• Kutoa huduma za rufaa za maabara na vipimo
• Kuratibu upatikanaji wa madawa/vifaa tiba kwa ajili ya hospitali

Sekesheni hii inaongozwa Kaimu Katibu Tawala Msaidizi ambaye ni Kaimu Mganga Mkuu wa Mkoa

Jina.Dkt. Khamis R. Kulemba

Hospitali ya Mkoa ipo chini ya uangalizi na Mganga Mfawidhi

                                                       Jina:Dkt. Matoke Muyenjwa