MASHINDANO YA UMISETA NA UMITASHUMTA YAZINDULIWA KIMKOA MASWA. DC NGATUMBURA ASISITIZA NIDHAMU NA BIDII ILI KUPATA USHINDI KATIKA NGAZI YA TAIFA.

Posted on: May 30th, 2025

Maswa,

Mashindano ya UMITASHUMTA na UMISETA   yamezinduliwa kimkoa leo 29  Mei, 2025 katika Uwanja wa Shule ya Sekondari ya Wasichana Maswa.

Mkuu wa Wilaya ya Meatu Mhe.Faudhia Ngatumbura amemuwakilisha Mkuu wa Mkoa wa Simiyu katika uzinduzi wa mashindano hayo.

Akizungumza na washiriki wa mashindano hayo Mhe.Ngatumbura amesisitiza nidhamu katika kipindi cha makambi ya michezo hiyo pamoja na bidii ya mazoezi ili waweze kuleta ushindi katika ngazi ya Taifa jambo litakaloleta heshima kwa Mkoa.

Mwakilishi wa katibu Tawala Mkoa wa Simiyu katika uzinduzi huo  ambaye ni Afisa Vijana Bi.Zena Mchujuko amesema vijana 120 watachaguliwa kuuwakilisha Mkoa katika ngazi ya Taifa kwa UMITASHUMTA pamoja na UMISETA.

GCU,Simiyu-RS

 29 Mei,2025.