MAAFISA SIMIYU WASHIRIKI MAFUNZO MFUMO MPYA WA UNUNUZI WA UMMA -NeST DODOMA

Posted on: July 31st, 2023

Dodoma,

Maafisa Serikalini kutoka mikoa 26  ya Tanzania Bara  miongoni mwao wakiwemo Maafisa kutoka Mkoani Simiyu wapo katika mafunzo ya siku 5 ya mfumo mpya wa ununuzi wa umma (NeST) yanayotolewa na Mamlaka ya udhibiti wa  ununuzi wa umma  PPRA katika ukumbi wa PSSSF mjini Dodoma.

Maafisa  waliohudhuria mafunzo hayo  kutoka Mkoa wa Simiyu  ni pamoja na  Mkuu wa Kitengo cha Sheria,Mkuu wa Kitengo cha Manunuzi,Mkuu wa Kitengo cha TEHAMA,Mkuu wa Kitengo cha Mawasiliano, pamoja na Katibu Tawala msaidizi  Sehemu ya usimamizi wa Serikali za Mitaa.

Mtendaji mkuu wa Mamlaka ya udhibiti wa  ununuzi wa Umma PPRA  Nchini Bw.Eliakim Maswi amesema Mafunzo ya mfumo mpya wa ununuzi wa Umma NesT  yanafanyika kufuatia Serikali kupitisha Sheria mpya  ya kuanza kutumika kwa mfumo huo mpya tangu Julai Mosi 2023.

Awali Serikali ilikuwa ikitumia mfumo wa TANEPS katika ununuzi wa Umma ambao  ulibainika kuwa na changamoto mbalimbali hatua iliyopelekea Serikali kuachana na mfumo wa zamani na kuja na  Mfumo mpya wa NeST ili kurekebisha changamoto zilizojitokeza na kuboresha Mfumo mzima wa ununuzi wa Umma Nchini.GCO,Simiyu -RS 01 August 2023.